మా తెలుగు తల్లి బెంగళూరు సంస్థ ఆధ్వర్యంలో అక్టోబర్ 20, 2024, నాడు “మన పండుగలు” పేరుతో వైభవంగా ఒక ప్రత్యేక కార్యక్రమం నిర్వహించబడింది. ఈ కార్యక్రమం మునెకోళాల ప్రాంతంలోని ఎవర్యూమ్ పాఠశాలలో జరిగింది.

ఈ కార్యక్రమంలో శ్రీ కె హరీశ్ గారు, డా. మారింగంటి లక్ష్మీచార్యులు గారు, శ్రీ Chalasani Purnachander గారు ముఖ్య అతిథులుగా పాల్గొన్నారు. వారి ఉత్సాహవంతమైన ప్రసంగాలు, ఆశీర్వచనాలు ఈ వేడుకకు మరింత ఘనతను చేకూర్చాయి.

సభ్యులందరికీ సంస్కృతిక ప్రదర్శనలతో ఆనందాన్ని పంచడం వంటి అనేక కార్యాక్రమాలు ఈ రోజు ప్రత్యేకతగా నిలిచాయి. మధ్యాహ్న భోజన అనంతరం జరిగిన సంగీత, నాటికల ప్రదర్శనలు ప్రతి ఒక్కరిని మంత్రముగ్దులను చేశాయి.

ఈ వేడుక విజయవంతం కావడంలో తమ శ్రమను, సమయాన్ని అందించిన ప్రతి ఒక్కరికి మా తెలుగు తల్లి సంస్థ హృదయపూర్వక కృతజ్ఞతలు తెలుపుతోంది. ఈ కార్యక్రమం తెలుగువారి ఆత్మీయత, సంస్కృతి ప్రతిఫలించేందుకు ఒక వేదికగా నిలిచింది.