సత్సంగ గీతం
రచన : శతావధాని ఉప్పలధడియం భరత్ శర్మ
పల్లవి: సత్సంగం సత్సంగం సత్యసాయినాథుని ఉత్సంగం
సాయుజ్యమును సిద్దించే ఆధ్యాత్మిక భక్తి తరంగం
చరణం 1 : పురాణగాథల మేలి సంగమం దైవచింతనకు ప్రతిరూపం
అశేష భక్తుల పరివారం మోక్షమందిరమునకు ద్వారం
చరణం 2 : సత్వభావనలకు నిలయం సత్సంకల్పములకు విజయం
ప్రవచన పరిమళ సంభరితం జ్ఞానాలయము అనవరతం
చరణం 3 : సాహిత్య చంద్రికల పంచే భక్తిచంద్రబింబం
సంగీతరాగమును పెంచే అనురాగవీణాగానం
చరణం 4 : రామాయణ భాగవతముల రమ్యగుణాచరణం
బ్రాహ్మీదేవీమృదుచరణం భవ్యకళాభరణం
చరణం 5 : సమస్తలోకా: సుఖినోభవంతు అను వాక్కునకు ప్రతిమానం
సత్యసాయి వచనామృతసారం ధర్మదేదీప్యమానం