ఆధ్యాత్మిక సదస్సు
మన సత్సంగంలో ప్రతి గురువారం ఆధ్యాత్మిక సదస్సు అనే కార్యక్రమమును జరుపుకుంటున్నాము. ఇంతకు ముందు అధ్యయనమండలి అనే పేరుతో జరుపుకునే వారము. ఆధ్యాత్మికము అంటే చాలా సులభంగా అర్థమవడానికి, దైవ చింతన అని చెప్పవచ్చును. దీనిని ప్రేరేపించి వ్యాప్తిచేయడానికై తయారు చేయబడినది ఈ కార్యక్రమము.
ఇందుకు గాను మన సభ్యులందరిని నాలుగు సమూహాలుగా విభజించి, ప్రతి సమూహానికి ఒకరిని ఒకరిని నిర్వాహకునిగా నియమించడం జరిగినది. వారు ఆ సమూహములోని సభ్యులందరితో సంప్రదించి, ప్రతివారు మాట్లాడేలాగ చూడటం, సభ్యులు ఎన్నుకునే విషయంలో సహకరించడం నిర్వాహకుని కర్తవ్యం. ముఖ్యోద్దేశం ఏమిటంటే, ప్రతి మనిషి లో దాగి ఉన్న వక్తను వెలుపలికి తీసుకొనివచ్చి ప్రతి సభ్యుడు పాల్గొని మాట్లాడేలా చేయడం.
ప్రత్యేక పరిస్థితులలో ఈ కార్యక్రమం గురువారం బదులు మరొకరోజు నిర్వహించ బడుతుంది. అలాగే ఒక సమూహం బదులు మరొక సమూహం పాల్గొనడం జరుగుతుంది.